KIDUNG SILIWANGI

Siliwangi cunduk waktu

Dumadeg waktu mandiri

Makalangan dana laga

Seuweu siwi siliwangi

Teureuh terah pajajaran

Seke seler pajajaran

Dayaning ulur luluhur

Siliwangi henteu kari

Mencar ninggalkeun komara

Ngancik dina jiwa murni

Jadi banda sekar bangsa

Satria yuda perwira

Binekas luhur berbudi

Sumawur ngajadi catur

Siliwangi nu kiwari

Ngajadi pahlawan bangsa

Bebentang andelan jurit

Satria yuda perwira

Sena pati lemah cai

Enggoning ngolah ngawangun

Siliwangi henteu kari

Tigin singer makalangan

Ngarengsekeun repolusi

Nu dasarna pancasila

Tekad gemleng teu sok deui

Ngajadi aub papayung

Pangriksa eusining nagri

Pangauban amba rakyat

Siliwangi pageuh kancing

Mambrih rayat gemah ripah

Ayem tengtrem sepi tingtrim

Mugi nanjung panjang punjung

Ginanjar wibawa mukti

Ginuluran karaharjan

Tong leungit kudari musim

Tong laas ku sapajaman

Gagah tanggah ampuh pamuk

Nyata gagah pilih tanding

Taya sipat ngandar jangjang

Daweung teuneung mancen tugas

Ngudak cita-cita murni.

Ngajadikeun : Oma Prilly

Banyuwangi, Jumat, 28 Desember 2018